Tekst: Jon Bing og Tor Åge Bringsværd
Teikningar: Knut Westad

47 år etter at Hallvard Sandnes og Jostein Øvrelid laga siste forteljinga si om den romfarande eventyraren Knut Berg, har no Fonna Forlag kome med nye forteljingar om den oppdagingsfarande ingeniøren. Det er radarparet Bing & Bringsværd som har skrive manus, medan Fantomet-teiknaren Knut Westad har teikna.

Teikneserien går føre seg i år 2060. Jorda er sterkt prega av miljøproblem, havet har stige fire meter, ekvator er ein samanhangande ørken og kampen om ferskvatn og mat er stor. Me får sjå framtidsfarty av ulike slag, og me fylgjer Knut Berg på ei reise der han mellom anna kjem i kamp med moderne sjørøvarar. Heftet sluttar, slik klassiske teikneseriar gjer, når det er på det mest spanande, slik at ein får lyst til å lesa kva som hender vidare. Vonleg tyder det at fleire nye Knut Berg-hefte er på veg.

Dette boktipset er skrive av Arild Torvund Olsen fredag 7. desember 2007 klokka 10.44 og er arkivert under fantastisk litteratur, teikneseriar.