Tekst: Jon Bing og Tor Åge Bringsværd

Teikningar: Knut Westad

I 2007 gav Fonna forlag ut eit julehefte der Bing, Bringsværd og Westad byrja ei ny forteljing om den klassiske nynorske ingeniørhelten Knut Berg. I 2008-heftet held soga fram der ho slutta førre jul, med prinsesse Aima kidnappa av undersjøiske skapningar. Etter kvart møter me òg att ein gamal skurkekjenning, og spaninga aukar.

Lengst bak i heftet får me ein bonus i form av to små forteljingar. Der ser ein gamal Knut Berg attende på vitskaplege nyvinningar som, for oss, framleis ligg langt inn i framtida.

Dette boktipset er skrive av Arild Torvund Olsen fredag 28. november 2008 klokka 10.15 og er arkivert under fantastisk litteratur, teikneseriar.