Skribentarkiv: Anne Marta Vinsrygg Vadstein

Visste du at …?

Tre nye faktabøker om husdyr er klare, denne gongen om kua, sauen og grisen. Kvar bok har femten oppslag med ei «visste du at»-setning og ein illustrasjon som støttar teksten. Illustratør Anna Fiske har ein særeigen strek og spelar på humor i teikningane sine. Visste du forresten at grisen kan få 16 ungar om gongen? Eller at sauen ikkje likar å vere åleine? Eller kva med kua, visste du at ho drikk 130 liter vatn i døgnet?

Visste du at …?-serien er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar.

Les meir

Bente Bratlund: Kidnappa

Vanlegvis er det Bea som kjem med dei fantasifulle forteljingane, men denne gongen er det bestevenninna Oda som har ei nyheit. Korleis kan det ha seg at ho er så annleis enn foreldra sine, lurer Oda på. Einaste forklaringa ho kan sjå, er at ho vart kidnappa då ho var lita, meiner ho. Dette må Bea gruble skikkeleg på. Jau, visst har Oda heilt svart hår og er smal og lita, medan foreldra hennar er runde i kroppen og har heilt lyst hår. Kanskje ho verkeleg vart kidnappa? Eller kan det vere noko lureri?

Kidnappa er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar.

Les meir

Anna R. Folkestad: Stupe-Stig

Anna R. Folkestad er forfattar og illustratør, og syr forteljinga saman med humor både i tekst og bilete. Boka handlar om Knut som vil fly med drake, og onkel Stig som er ikkje så god på drakeflyging. Han vil aller helst vere med i ein stupekonkurranse og vinne ein flott pokal.

Stupe-Stig er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar.

Les meir

Poppeloppane: Hallo, Pippeli! Hallo, Pipp!

Bok nummer to om Poppeloppane er no å finne i hyllene på daglegvarebutikken. Dei fargerike figurane frå Barne-TV leikar gøymsel, og Pippeli og Pipp gøymer seg først i hattebutikken. Så må Store Hu og Tuddelu leite i blomsterbedet og rundt såpeboblemaskina. Heldigvis finn vi dei att. Kanskje er det Tittei som hjelper alle tilbake i den raude båten?

Serien om Poppeloppane går på NRK og har nynorsk tale. Borna kjenner lett igjen figurane derifrå i boka, og vil ha glede av den enkle, men spennande handlinga på leiting etter Pippeli og Pipp.

Maria Parr: Keeperen og havet

Ytterdøra vår small så det rista i heile huset, og så følgde eit frykteleg brak og roping. – Søren salte!

Slik startar Keeperen og havet. Med futt og fart, i det ytterdøra smell etter Lena så familien Danielsen Yttergård er usikre på om det er ein naturkatastrofe som har råka dei, eller om det er Lena Lid som har kome heim frå ferie. Det er som om det var i går vi møtte Lena og Trille sist, i boka Vaffelhjarte. Vi kjenner saltvasslukta frå Knert-Mathilde med ein gong når Lena brasar inn i gangen med heile sitt energiske vesen og er tilbake. Endeleg tilbake!
Les meir

Anna R. Folkestad: Besta og Bo. Plommeproblem

Plommeproblem er den tredje forteljinga om Besta og Bo, og no handlar det om å kle seg ut. Besten og Bo har kostyma klare, men Besta lurer veldig på kva ho vil kle seg ut som. Til slutt landar ho på at ho vil vere eit plommetre! Ho leitar fram brune og grøne klede, og saman med Bo går ho ut for å plukke plommer. Men som i dei andre forteljingane om Besta og Bo skjer ikkje alt som venta. I treet heng det nemleg eit vepsebol med nokre svært hissige innbyggjarar. Her er det best å søkje dekning. Korleis går det då med utkledningsfesten, skal tru?

Les meir

Bokbussen

Bokbussen RAUD, Bokbussen BLÅBokbussen GRØN og Bokbussen FAKTA. Forlaget er også i gang med ein femte buss, Bokbussen SPENNING, som får 20 bøker og kjem ut våren 2018.
GAN Aschehoug
Målgruppe 1.-4. trinn

Bokbussen inneheld til saman 100 nyskrivne småbøker til støtte i leseopplæringa. Bøkene vert leverte i fire solide øskjer med lok: Bokbussen RAUD, Bokbussen BLÅ, Bokbussen GRØN og Bokbussen FAKTA. Desse er fine å ha på klasserommet, som eit lite bibliotek i seg sjølv.

Les meir

Mats Wänblad: Slik funkar det! Heime og rundt omkring

Slik funkar detIllustrasjonar av Björn Bergenholtz, Anders Nyberg, Kjell Thorsson og Filippa Widlund
Omsett av Øystein Rosse

Er du ein av dei som lurer på korleis eit trådlaust nettverk fungerer, korleis ei induksjonskokeplate vert varm, eller korleis ein oppbevarte mat før frysaren fanst? Eller er du kanskje ein lærar som skulle ønskje at det fanst ei bok som forklarte alle desse tinga og mykje meir, som eit supplement til læreboka? Slik funkar det! Heime og rundt omkring er ei underhaldande bok om korleis mykje av det nødvendige i kvardagen fungerer og heng saman.

Les meir