Erna Osland og Anna Fiske: Vaken? Ei godnattbok om dyr som ikkje søv om natta
Vaken? er ei fagbok om nattaktive dyr. I kvart kapittel møter vi ei forteljing om søskenparet Bustebror og Bæret, etterfylgt av ein faktatekst.
Katrine Sele: Jølster hotell. Historier frå eit asylmottak
Dei reiste ifrå liva sine. Dei reiste ifrå mødrer og fedrar, ektefellar, kjærastar, barn. Ikkje alle visste om dei ville sjå sine kjære att. Dei reiste ifrå eit hus i Daraa, eit hus i Aleppo, farens villa i Raqqa, ei stråhytte på landsbygda nær Jijiga, ei leiligheit delt med broren i Damaskus, moras hus i Khartoum. Ei tid var dei alle på asylmottaket i gamle Jølster hotell: Bassel, Hayat, Malik, Milka, Moayad, Najma, Shaban, Tblets og Yamen. Detter er historia deira.
Ingunn Røyset: Brevet frå krigen
Brevet frå krigen er ei bok om korleis det er å vekse opp under andre verdskrig, og om livet i Noreg og viktige hendingar i krigsåra. Boka er røtt i opplevingane til Jorun E. Waage som var 12 år då tyske soldatar tok over Noreg den 9. april 1940. Forteljingane er baserte på samtalar med Jorun, hennar private brev og bilete, samt ei innhaldsrik samling av historiske kjelder og biletmateriale.
Kristian Fjellanger og Jenny Jordahl: Samir og den lange reisa
I boka Samir og den lange reisa møter vi Samir, mor til Samir og veslesøstera. Faren til Samir blir arrestert i heimlandet Afghanistan, og resten av familien blir nøydde til å flykte. Ferda er lang og farleg, men til slutt endar familien opp på mottak i Noreg.
Øystein Runde: Stamceller. Kroppens superheltar
Øystein Runde teiknar og fortel om stamceller i denne artige faktaboka i teikneserieformat. Han krydrar innhaldet med humor, interessante fakta og spanande informasjon som gjer fagstoffet underhaldande og lett tilgjengeleg for barn, unge og vaksne.
Pia Strømstad og Flu Hartberg: Do
Å bæsje er noko alle gjer. Far din, mor di, kongen og dronninga, til og med kjendisar! Men sjølv om alle gjer det, er det noko mange av oss tykkjer er pinleg å innrømme.
Stina L. Ørdal: Dagen utanfor
Dagen utanfor tek opp vanskelege tema på eit poetisk vis utan å verte for sentimental.
Ingunn Thon: Ollis
Ollis er ein spennande barneroman om vennskap, familie og mot. Her finn ein mykje humor, kvardagslege utfordringar og alvor om kvarandre, presentert gjennom eit fortryllande og detaljrikt språk.
Nathalie Simonsson: Verdas viktigaste bok. Om kroppen, kjensler og sex
Ei bok om alt ein vil vite, men ikkje vågar å spørje om.
Joan G. Robinson: Marnie – mi hemmelege vennine
Marnie – mi hemmelege vennine er ei gripande forteljing om vennskapet mellom fosterbarnet Anna og den noko mystiske Marnie.
Erna Osland: Gullfalken. Ni nye eventyr
Erna Osland gir oss ei god blanding fablar, eventyr og mektige forteljingar, med vakre illustrasjonar av Inger Sandved Anfinsen.
Lynne Benton og Fred Blunt: Kaninforteljinga
Kanin er trist. Huset hans er for lite, og han treng meir plass. Kanin går til den kloke ugla for å søke hjelp, kanskje han veit råd?
Øyvind Vågnes og Akin Duzakin: Den vesle blå haien
Den vesle blå haien likar ikkje det som andre haiar likar og kjenner seg usynleg i alt det blå som omgir han i havet. Det er nett som om han er blå både utanpå og inni.
Linn T. Sunne og Camilla Billett: Jenta i Blindgata
Jenta i Blindgata tilbyr lesaren eit møte med det overnaturlege kombinert med handlingsdrivande illustrasjonar som tilfører forteljinga spanande element og passeleg mengde grøss-faktor.
Fantasiboka
Her blir du kjent med Knurrebakkedinken og Grublebakkedinken, Rosa og einhyrningsdraken, Vesle som får sjokk når han møter eit menneske på butikken for første gong, Moggo som sluker og knuser alle gleder han kjem over, og mange fleire.
