Kategoriarkiv: 6–9

Sjå boklister for aldersgruppa: Boklister 6–9 år

Bokbussen

Bokbussen RAUD, Bokbussen BLÅBokbussen GRØN og Bokbussen FAKTA. Forlaget er også i gang med ein femte buss, Bokbussen SPENNING, som får 20 bøker og kjem ut våren 2018.
GAN Aschehoug
Målgruppe 1.-4. trinn

Bokbussen inneheld til saman 100 nyskrivne småbøker til støtte i leseopplæringa. Bøkene vert leverte i fire solide øskjer med lok: Bokbussen RAUD, Bokbussen BLÅ, Bokbussen GRØN og Bokbussen FAKTA. Desse er fine å ha på klasserommet, som eit lite bibliotek i seg sjølv.

Les meir

Øyvind Vågnes og Akin Duzakin: Den vesle blå haien

Den vesle blaa haien«I det store havet er alt blått. Ingen kan sjå den vesle blå haien. Nesten ingen.»

Den vesle blå haien handlar om dei som kan kjenne seg annleis og utanfor. Den vesle blå haien likar ikkje det som andre haiar likar og kjenner seg usynleg i alt det blå som omgir han i havet. Det er nett som om han er blå både utanpå og inni. Den vesle blå haien likar ikkje fisk, men sjøanemonar. Dei er mjuke og dei kiler i munnen. Dei fyller magen med fargar. Dei tek bort alt som er blått.

I boka får lesaren òg møte den vesle grå haien. Han er som dei andre haiane. For han er heile livet eit måltid. Han gapar høgt. Altfor høgt. Ikkje ser han alt det han svelgjer. Ikkje ser han dei dansande algane. Ikkje ser han dei skinande fiskane. Ikkje rart han blir kalla Glefsekjeften.

Les meir

Linn T. Sunne og Camilla Billett: Jenta i Blindgata

Jenta i BlindgataJenta i Blindgata tilbyr lesaren eit møte med det overnaturlege kombinert med handlingsdrivande illustrasjonar som tilfører forteljinga spanande element og passeleg mengde grøss-faktor. Bileta støttar opp om historia og oppfordrar til vidare samtalar kring tydinga av det ein ser.

I boka møter vi Tea og Teodor som får ei ny jente i klassa, Inga. Inga bur i same gate som Tea og Teodor og har ein hund som heiter Knøtt. Det er spanande å besøkje Inga, for ho bur aleine og dei kan gjere det dei vil. Men då dei leiker gøymsel, ser Teodor noko som gjer han livredd, og dei byrjar å sette spørsmål ved kven Inga eigentleg er.

Les meir

Anna R. Folkestad: Krabbekrise

krabbekriseNy bok i serien om Besta og Bo!

Besta og Bo vil vinne konkurransen om å fiske flest krabbar. Men krabbane bit ikkje på. Så gjer Besta noko heilt vilt. I typisk Besta-stil.

Krabbekrise er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar.

Les meir

Bente Bratlund og Odd Henning Skyllingstad: Feriefiasko

feriefiaskoAndre bok om Bea!

Sommarferien er rett rundt hjørnet, og alle gler seg til sol og sommar og ferietur. Ida skal til Italia, Ella skal til besteforeldra, og Bea seier ho skal noko hemmeleg. Noko veldig hemmeleg og veldig spennande. Ho må berre finne ut kva det hemmelege spennande kan vere. Og det er ikkje så lett når ferien berre er heime.

Men ein dag skjer det noko. Og det er berre Bea som ser det.

Les meir

Fantasiboka

Det var ein gong eit heilt vanleg hus som låg i ein heilt vanleg skog. Der budde det ein gamal og gråhåra mann. Mannen var forfattar og hadde skrive bøker heile livet. Då han var ung, hadde han hatt mange venner, og saman hadde dei reist verda rundt på jakt etter eventyr. Derfor var bøkene hans fulle av snakkande pappegøyar, dansande slangar og flygande esel. Alle vennene hans vart sprø som kjeks, og dei hadde klatra opp dei brattaste fjell, ridd på krokodiller og overnatta i toppen av dei høgaste trea dei kunne finne.

Slik startar første eventyret i Fantasiboka, den femte og siste boka i serien med nyskrivne nynorske forteljingar. Sidan første utgivinga i 2007 har desse antologiane etter kvart blitt klassikarar og samleobjekt i mange hus.

Les meir

Vegard Markhus: Full fart!

full_fartAndre bok om Rine og Ravi

Rine og Ravi gler seg til skitur med klassen. Men Lærar-Knut går altfor fort! Og pausar er for pyser, seier han. Så vil Lærar-Knut ta ein snarveg utanfor løypa. Det skulle han aldri ha gjort.

Full fart! er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar.

Leseland. Nivå 2.

Les meir

Trude Tjensvold: Bo flyttar ut

Bo flyttar utHeime hos Bo er det berre Bo og mora, men ein dag flyttar hunden Viktor inn. Då bestemmer Bo seg for å flytte ut.

Nede ved dammen møter han andungen.

– Kor skal du? spør andungen.
– Veit ikkje, svarar Bo. – Eg skal flytte.
– Du kan få bu hos meg, kjem det frå andungen.
– Du held vel ikkje hund? spør Bo.
– Nei, eg bur åleine, svarar andungen.
– Bra! Seier Bo.

Les meir

Brynjulf Jung Tjønn og Øyvind Torseter: Den finaste historia

Den finaste historiaDet er natt, og Vera kjem ut vindauget med auga lukka og spring flygande av garde. Det lange håret hennar står som ei bølgje bak ho når ho spring, og i håret held broren Salander seg fast og ser ut som han søv. Håret hennar blir lengre og lengre medan ho spring. Ute er det både varmt og kaldt, mørkt og lyst på same tid. Dei skal til Dammen der Syl bur. Syl kan vise Vera den finaste historia, den som får Salander til å leve: «Den eg likar aller best. Der det skjer mykje vondt, men går bra til slutt». Syl fortel historia, og vi forstår etter kvart at Salander har omkome i ei ulykke. Ved at Syl legg fingrane sine over hjartet til Salander, kan Vera oppleve at hjartet hans slår og at pusten hans blir varm. Dette er det berre Vera som opplever, foreldra veit ingenting om at det kan vere slik.
Les meir

Kari Stai: Jakob og Neikob. Naboen

Jakob og Neikob. NaboenJakob og Neikob er bestevenner og bur i lag på ein bakketopp.
Jakob seier JA til alt, og Neikob seier NEI til alt.

– Ei ny bok om Jakob og Neikob? Denne boka har vi lese før, hevdar min vesle lesevenn. – Nei, sjå nærare, seier eg. Vi ser nøye på framsida i lag, på dei to figurane som sit på graset og ser på det oransje huset med det spisse taket. – Det ser ut som om nabohuset ser på dei også, utbryt fireåringen. – Eg lurer på kven som bur i huset. Les då!
Les meir