Kategoriarkiv: 0–3

Sjå boklister for aldersgruppa: Boklister 0–3 år

Lisbeth Dreyer og Per Ragnar Møkleby: Konrad Kråkebolle og andre fjærefantar

Konrad KråkebolleSkal du på fjøretur i sommar? Visste du at der kan du møte Bella Blåskjel og Konrad Kråkebolle?

Bella heng
på bryggebein,
kusina heng
på fjørestein.

I boka om Konrad Kråkebolle og andre fjærefantar møter vi ulike små dyr og skapningar som vi kan finne under steinar i fjøra, i vasskanten eller ute i sjøen. Gjennom små, leikne dikt og teikningar tek forfattar Lisbeth Dreyer og illustratør Per Ragnar Møkleby oss med til ei verd full av dyr frå hav, fjord og strand.

Les meir

Odd Nordstoga (red.): Song for deg og meg

Song for deg og megNy og utvida utgåve, 2014

Tida går fort. Eg tykkjer ikkje det er lenge sidan eg sat med den fine, ferske boka Song for deg og meg i hendene. Redaktøren Odd Nordstoga hadde endåtil komponert ein song spesielt for samlinga av barnesongar. Songen heitte «Kveldssong for meg og deg», og handla om ein hylande gris og fire og tjue kråker på ein madrass. Men det er lenge sidan, i alle fall sett med barneauge: Tolv år! Nye born og nye songar er komne til, og no er også songboka komen i ny og utvida utgåve.

Les meir

Samlaget: Barnebøker (app)

BarnebokappFrå 0 til 9 år

Den nye barnebok-appen til Samlaget inneheld mange flotte barnebøker. Utvalet av gode biletbøker på nynorsk har vorte særs godt dei siste åra, og etter lanseringa av denne appen er ogso utvalet av nynorske biletbøker for nettbrett i ferd med å verta godt.

Nokre av bøkene i appen har vore tilgjengelege på nettbrett tidlegare, til dømes i den prisvinnande appen Leseland, men for storparten er det her fyrste gongen at dei er tilgjengelege i dette formatet.

Les meir

Ruth Lillegraven og Inger Landsem: Mari og Magnus hos bestemor

Mari og Magnus skal overnatte heimafrå for første gong. Det er både skummelt og fint, men heldigvis er det bestemor og hunden dei skal overnatte hos! Denne fjerde og siste boka i den sjarmerande serien om søskena Mari og Magnus har alt eit vellykka bestemorbesøk skal ha: aking, bollebaking og trygge, gode bestemor når kvelden kjem med heimlengt …
Les meir

Rotraut Susanne Berner: Året rundt i Vrimleby

VrimlebyFrå 0 år

Dette er boka der ein kan undre seg gjennom heile året. I denne samleboka følgjer vi livet i Vrimleby gjennom vinter, vår, sommar og haust.

Året rundt i Vrimleby er ei biletbok for dei minste borna der ein kan samtale om bilete eller dikte små historier. Den første sida for kvar årstid presenterer personane og inviterer til å starte ei historie og følgje dei vidare gjennom året i Vrimleby. Slik inviterer boka og bileta til samtale omkring ulike personar, ting eller hendingar. Slik som til dømes borna som er på biblioteket og låner bøker eller papegøyen Niko som stikk av. Eller kva foregår på Kulturhuset?

Les meir

An-Magritt Lindtner: Smokkefeen Tutta

SmokkefeenFrå 2 år

Illustrasjonar: Jens Kristensen

Smokkefeen Tutta er venninna til tannfeen. Ho er ein ekstra lang og tynn fe som likar smokkar, som er veldig god til å skaffe seg dei, og som har veldig, veldig mange. Smokkefeen er og god til å finne nye bruksområde til smokkane sine, for i det kjempestore slottet hennar er alt bortsett frå golva laga av smokkar.

Les meir

Lena og Olof Landström: Pom og Pim

Pom og PimFrå 2 år og oppover

Tekst: Lena Landström
Illustrasjon: Olof Landström
Omsett av: Ragnar Hovland
Det Norske Samlaget

Lena og Olof Landström er skaparane bak ein av mine TV-favorittar: Kalles klatretre. Ein fantastisk animasjonsserie produsert for svensk TV på 70-talet og send i eit utal reprisar på norsk TV utover 80- og 90-talet. Dette svenske ekteparet er meistrar i klok naivitet.

Meisterskapen har dei også brukt i småbarnsserien om dei to sauane Bø og bæ, og i bøkene om Stian. Alle utgitt på Det Norske Samlaget. I fjor laga dei to nye figurar for dei aller minste, Pom og Pim, og den fyste boka om dei har nett kome på norsk.

Les meir

Ruth Lillegraven og Inger Landsem: Mari og Magnus får katt

Mari og magnus får katt
I Mari og Magnus får katt er det ikkje lenger ei kriminalforteljing, men ei forsvinningssak, som er sentrum i forteljinga. For når den store dagen kjem, og kattungen endeleg er komen i hus, rømer han vettskremt under sofaen. Så, når Mari og Magnus gløymer å smekke ytterdøra etter seg, flyktar den vesle katten vidare opp i eit tre. Dette er spanande, for korleis i alle dagar skal dei få han ned att?

Løysinga kjem utanfrå, som ein reddande engel, i form av storebror Stian:

Nede på bakken gir Stian Tippi til Magnus.
Heile katten skjelv. Hjartet bankar fort.
– Stakkars Tippi, seier Mari. – Ho blei nok veldig redd …

Når så katten er redda, kjem pappa inkjeanande opp frå kjellaren. Han har ikkje fått med seg noko av det som har skjedd, og på den måten lukkast Lillegraven og Landsem å ta bornas perspektiv. For når alle, inkludert kattungen, er samla i stova att – er alt som før. Eller er det det? Gode historier utviklar seg ofte i ei uventa retning, og vrien på slutten av Mari og Magnus får katt gir inntrykk av at ordtøket «ein skal tidleg krøkast» òg er eit pedagogisk tankesett som høver på små kattar.

Anna R. Folkestad: Unni og Gunni gjer det fint

Unni_og_Gunni_gjer_det_fintUnni og Gunni gjer det fint fornyar pingvin-universet. Det startar med at dei konstaterer at det er litt tomt i huset deira. Det må dei gjera noko med, så dei fyller huset med slikt ein fyller hus med. Innreiinga skjer på ein pedagogisk og omgrepsfokusert måte, slik at ungar skal læra om langt og kort, høgt og lågt, gamalt og nytt, osb, og på den måten er også Unni og Gunni gjer det fint ei slags peikebok. Samstundes er boka ei historie om sambandet mellom interiørinteresse og familieetablering, som gjer pingvinane litt meir like oss menneske og gjev dei litt meir å spela på.
Les meir