Omsett av Ragnar Hovland.

Frå forlaget Mangschou i Bergen ser det ut til at vi kan vente oss nokre nynorske godbitar for barn og unge. Frå før har forlaget gjeve oss samarbeidet mellom Erna Osland og illustratør Marvin Halleraker, eit samarbeid som resulterte i flott og prislønt fagprosa i bøkene Skarpe tenner og Fint å ha far.

Boka som vert presentert i dette tipset er skriven av den tyske forfattaren og illustratøren Wolf Erlbruch. Bøkene hans er gjevne ut over heile verda og mottek gjæve prisar. I Noreg er han kanskje mest kjend for boka Den lille Muldvarpen som ville vite hvem som hadde bæsjet på hodet hans.
Les meir »

Bilete av Olof Landström
Frå svensk ved Stein Versto

Ei utfordring som små barn møter tidleg i livet er å få søsken. Ofte er det noko ein ynskjer seg heilt til ein får det. Ein innser fort at det slett ikkje er berre moro med ei lita søster eller ein bror i huset.

Den vesle grisen Benny har det slik. Han har nett fått ein liten bror. Han ville det. Og då fekk han det. Men broren berre skrik og skrik, så mor gjev han ein smokk. Benny får ikkje smokk, Benny er for stor til å ha smokk, seier mor. Benny er alt lei av veslebror, han vil heller ha smokken. Så tek han Veslebror med ut …
Les meir »

Illustrert av Eva Eriksson

Den første boka barnet får når det kjem til verda er ofte ei bok der mor og far kan lime inn bilete og fortelje om dei første timane, dagane og åra i livet til barnet. Den første jula, den første fødselsdagen, mjølketenner, steg og ord. Det Norske Samlaget har laga ei svært god nynorsk utgåve av nett denne typen bok.
Les meir »

Eit lite leksikon om fotball! Her er det mange konkrete tips for den vesle fotballspelaren. Ei god pasning, til dømes, korleis brukar ein foten då? Her er også eit lite kapittel med knep.

«Spelaren kan late som han spring i ei retning, og så, i siste augneblink, springe i motsett retning. Han kan late som han vil sentre ballen til ein medspelar, men likevel halde på den.
Han kan gjere ei anna finte ved å sparke ballen lynraskt bakover. Når ein spelar tar ein tunnel, sparkar han ballen mellom beina på motspelaren.» Les meir »

«No skal Bella i Barnehagen. Det må alle. Kongen har sagt det. Men krokodilla og frosken må bli heime for dei er forkjølte.» Vesle Bella er i same situasjon som mange små born denne hausten. Ho skal byrje i barnehagen, og alle leikene og kosedyra må vere att heime. Men det er fint i barnehagen. Der har Bella ein kjærast, og endå ein som vil vere kjærast! Det blir leik og slåsting, gråting og kosing. Slik er det i barnehagen. Les meir »