Kategoriarkiv: biletbøker

Du kan òg sjå ei liste med biletbøker i gratis nettutgåve.

Njord Svendsen og Akin Duzakin: Bomulv

BomulvDebutanten Njord Svendsen og veteranen Akin Duzakin har saman laga ei fin forteljing om mot og venskap. Boka handlar om den kvite ulven Bomulv, som ikkje er som resten ulvane i flokken. Ikkje liknar han på dei, og ikkje kan han ula. Dei andre ulvane mobbar han, og til slutt får Bomulv nok. Han finn ut at han må koma seg bort, og tidleg ein morgon legg han på sprang gjennom den mørke skogen.
Les meir

Bjørn T. Bøe: Det er ein elefant i barnehagen

Det_er_ein_elefant_i_barnehagenDet er ein elefant i barnehagen er ei humoristisk og spanande bok om jakta på elefanten i barnehagen. Maren høyrer ein rar lyd. Det er ikkje ein vanleg barnehagelyd. Kan det vera ein … elefant? Dei vaksne seier at det ikkje finst elefantar i barnehagen, men kva kan lyden elles vera? Maren er sikker – det må vera ein elefant i barnehagen. Og den elefanten skal ho finna.

Les meir

Martine Grande: Dagen opp ned

Dagen_opp_nedEin morgon vaknar flaggermusene Ida og Oda, sjølv om dei brukar å sove heile dagen og å vere vakne om natta. No om morgonen ser alt annleis ut! Det er ikkje mørkt, men lyst. Det er ikkje stille slik som det brukar å vere. Om dagen er det veldig bråkete. Dei går på leiting for å finne ut kven som lagar alle dei rare lydane, og møter ei rekkje ulike dyr som held til på garden.

Les meir

Nikolai Astrup si magiske verd

AstrupBiletbok for små og store

Aller først: For ei praktbok dette er!

Kunstboka om Nikolai Astrup si biletverd er inspirert av Katy Couprie sine bøker for Musée du Louvre i Paris. Boka er meint som eit første møte med verka til Astrup, og er hovudsakleg laga for dei minste borna. I underkant av femti Astrup-verk er sette saman med foto, tekst og illustrasjonar. Vi møter menneske, dyr og natur, fortid og notid. Vi kan leite etter gøymde figurar og detaljar. Boka inspirerer til å snakke saman om både kunsten og fotoa. Samanstillingane vil gje nye og overraskande blikk på kunsten til Astrup.
Les meir

Jens Haugan: No kan du sove, vesle gut

No_kan_du_soveIllustrert av Bente-Linn Bergene Huseby

Etter ein lang dag kan det vere koseleg å slappe av med ei lita lesestund eller kanskje ei songstund. Denne boka inneheld ein tekst som kan både lesast og syngast. Bileta i boka legg til rette for samtalar om katten og musa som sovnar og snart skal også veslegut sove. Teikningane har sterke klare fargar og fungerer som støtte til teksten. Gjennom samtale og song kan dei yngste barna vere delaktige i viktig språklæring.
Les meir

Barnas store eventyrbok

Barnas store eventyrbokEndeleg er ho her, eventyrboka på nynorsk. Maria Parr har omsett Barnas store eventyrbok til nynorsk. I denne boka finn du dei kjende eventyra: Bukkane Bruse, Raudhette, Fyrtøyet, Pannekaka, Bymusikantane frå Bremen, Mannen som skulle stelle heime, Den stygge andungen og Tornerose.

Boka er illustrert med dei kjende illustrasjonane til Svend Otto S, og det er store fine illustrasjonar som eignar seg godt både når ein skal lese med barnet på fanget og når ein skal lese for ei gruppe barn.

Les meir

Barbro Lindgren og Olof Landström: Boka om Benny

Boka_om_BennyTo herlege bøker om veslegrisen Benny samla i éi! Barbro Lindgrens veslegris Benny er ein av dei tøffaste og mest elska grisene i barnebokverda.

I Neimen, Benny må Benny rømme heimanfrå når mor hans vil putte Veslenøff i vaskemaskina. Men kvar skal han bu då? Når det røyner på, kan det vere godt å finne ei grop å rulle seg i.

Les boka på sida til Nasjonalbiblioteket:
Neimen, Benny

I Jamen, Benny får Benny ein veslebror. Han ønskte seg det, men så går han fort lei. Heile dagen syg veslebroren på smokken sin, og Benny får ikkje smake. Men storebrør kan vel òg bruke smokk?
Les meir

Odd Nordstoga: Eg og Pontus går i land

Eg-og-Pontus-gaar-i-landIllustrert av Rune Markhus

Dei to trubadurane frå fyrste «Eg og Pontus»-boka går i land i ein by der ingenting er på stell, og der ingen er interesserte i musikken deira. Kaptein Snusk tener godt på at folk er handlingslamma og byen forfell, men heldigvis dukkar det opp ei lita jente som kan vekkja folk med songen sin.

Forteljinga er på rim, og i app-versjonen syng Nordstoga teksten.