Kategoriarkiv: faktabøker

Álvaro Nofuentes: På Grand Manila

På Grand ManilaMed utgangspunkt i ein roman av Kjartan Fløgstad har den spanske teikneserieskaparen Álvaro Nofuentes laga teikneserien På Grand Manila. Boka kjem no ut på norsk, fint omsett frå spansk til nynorsk av Bente Teigen Gundersen.

I staden for å laga ein tradisjonell teikneserieadapsjon av handlinga i boka til Fløgstad har Nofuentes laga det han kallar eit «grafisk essay». Her tek han utgangspunkt i nokre av temaa frå boka, til dømes det tosidige i at det internasjonale firmaet Union Carbide Corporation, med base i USA, både er ansvarlege for modernisering og sysselsetjing i Sauda og ein industrikatastrofe som førte til eit femsifra tal på dødsfall i India.

Les meir

Erna Osland: He-he! Ei bok om den livsviktige latteren

HeheBarn ler 300–400 gonger for dagen. Vaksne berre 10–15 gonger. Mange dyr ler også! Kvifor ler barn så mykje meir enn vaksne? Kan latter gi oss venner? Blir vi snille av å le? Eller friske? Og er det mogleg å le seg i hel? Dette er nokre av dei mange spørsmåla du finn svar på i boka He-he. Det handlar om kor skummel latteren kan vere, men mest av alt kor godt og viktig det er å kunne le.

Boka er illustrert av Per Ragnar Møkleby.
Les meir

Leseland

leselandLeseland er ein serie med underhaldande og engasjerande lettlesbøker. Dei første Leseland-bøkene kom ut i 2015, og i januar i år kom det 18 nye titlar i serien. Dei komande åra vil det koma minst ti nye Leseland-bøker i året, fordelte på dei ulike nivåa. Bøkene kjem parallelt i Leseland-appen.

Den gode forteljinga står alltid i sentrum, og i tillegg til enkel og god tekst har bøkene mange fargerike og spreke illustrasjonar. Nokre av titlane er laga for dei yngste i barneskulen, medan andre er laga for lesarar på mellomsteget. Serien inneheld både faktabøker og skjønnlitteratur.

Leseland er ei stor satsing for Samlaget, noko forlaget gjer for å auka tilfanget av lettlesbøker på nynorsk, slik at den som skal læra å lesa med nynorsk som hovudmål, skal ha tilgang på kvalitetssikra­ lettlesbøker på sitt eige mål.
Les meir

Jens Hansegård og Anders Nyberg: Verdas tøffaste dyr

verdas_toffaste_dyrUnderhaldande fakta om dyr som lever på verdas mest ekstreme plassar

Jorda er ein fantastisk planet. Her er alt frå glovarme ørkenar til iskalde polar. Her er det fjelltoppar som stikk opp over skyene, og hav som er mange kilometer djupe. Overalt tilpassar dyr seg – og overlever. Det finst insekt som frys til is om vinteren og tinar opp når det blir sommar. Det finst ormar som lever heile livet i nesten kokande vatn. Det finst til og med dyr som kan overleve ute i verdsrommet.

Møt verdas tøffaste dyr!

Les meir

Jens Hansegård og Anders Nyberg: Verdas mystiske stader

verdas_mystiske_staderBli med på ei reise til gåtefulle stader over heile verda!

På ei øy i Stillehavet står det store steinstatuar frå ein tapt sivilisasjon. Djupt nede i ein innsjø lever eit enormt udyr. Midt ute i ein ørken finst ein hemmeleg militærbase der romvesen har landa. Over heile verda er det mysterium. Med lettlesen tekst og detaljerte, spennande og morosame illustrasjonar er dette ei perfekt bok for nybyrjarlesaren og for alle som liker spenning og eventyr!

Les meir

Jens Hansegård og Anders Nyberg: Verdas rekordbok

verdas_rekordbokStørst! Farlegast! Raskast!

I denne boka er det mengder av spennande og morosame verdsrekordar. Her står jordas eigne rekordar i sentrum – frå stader og naturkrefter til dyr og vekstar: Det høgaste fjellet, det djupaste havet, den største vulkanen og det minste dyret – her er det samla!

Rekordane er imponerande, fortalde med spennande tekstar og illustrasjonar.

Les meir

Jens Hansegård og Anders Nyberg: Verdas forsvunne skattar

verdas_forsvunne_skattarVerda vår er full av gøymde og forsvunne rikdommar som ventar på å bli oppdaga.

Men vegane til dei forvunne skattane er mange og vanskelege. Ein må våge å utforske underjordiske gangar, hoppe over djupe fjellkløfter og unngå livsfarlege feller. Ein må kunne knekkje mystiske kodar og søkje i historiske dokument etter leietrådar. Men ein ting er heilt sikkert: Skattane finst der ute. Og dei ventar på å bli oppdaga.

Les meir

Nikolai Astrup si magiske verd

AstrupBiletbok for små og store

Aller først: For ei praktbok dette er!

Kunstboka om Nikolai Astrup si biletverd er inspirert av Katy Couprie sine bøker for Musée du Louvre i Paris. Boka er meint som eit første møte med verka til Astrup, og er hovudsakleg laga for dei minste borna. I underkant av femti Astrup-verk er sette saman med foto, tekst og illustrasjonar. Vi møter menneske, dyr og natur, fortid og notid. Vi kan leite etter gøymde figurar og detaljar. Boka inspirerer til å snakke saman om både kunsten og fotoa. Samanstillingane vil gje nye og overraskande blikk på kunsten til Astrup.
Les meir

Erna Osland: Når det regnar i Afrika

Naar_det_regnarIllustrert av Per Ragnar Møkleby

Dette er den nyaste og kanskje finaste av Erna Osland sine fagbøker for barn. Denne gongen handlar det om vêr og klimaendringar. Boka er dedisert til lesarar med og utan namn: «Til Linus, Finn og alle andre gutar og jenter som får den store oppgåva å passe på regnet.»

Det går to hovudtrådar gjennom boka, ein faktatråd og ein fiksjonstråd. I faktatråden er det delen om vêret, som i tur og orden fortel om regn, skyer, vind, sol, og så klimaendringar, som har størst plass. I den tråden er delen om klimaendringane altså plassert bakerst i boka, og er minst i omfang, men får det siste ordet.
Les meir

Erna Osland: Under ein stein

Under_ein_steinIllustrert av Inger Lise Belsvik

Erna Osland har skrive fagbøker for barn om mange ganske ulike tema, som dyr med skarpe tenner (Skarpe tenner, 2005), fuglar (Venner med venger, 2012) og verdshistorie om hår (Hår i millionar år, 2000). Denne boka handlar om vesen som lever under steinar.

Boka har eitt kapittel om kvar av elleve utvalde dyreartar som ein kan oppdage når ein løftar på ein stein. Det gjer boka veldig fin å ha tilgjengeleg når ein held på med akkurat det, slik at det er lett å sjekke om ein skulle komme over eit dyr som ein ikkje veit kva heiter. Slike dyr gøymer seg jo ofte ganske raskt, fordi dei har sine grunnar til å like best å vere under ting. Ein annan måte å bruke boka på er å lese og snakke om eitt dyr kvar kveld før ein skal sove, for eksempel, og ta det slik frå perm til perm. Eller ein kan bruke plansjen «så store er små dyr», som viser teikningar av dyra i naturleg storleik, som ei innhaldsliste i bildeform. Så kan ein la den ein les til peike på det dyret som vedkommande måtte ha lyst til å høyre om.
Les meir