Kategoriarkiv: lettlesne bøker

Anna R. Folkestad: Visste du at …? GODTERI, TACO og SUSHI

Desse tre bøkene inneheld mange artige og interessante fakta om godteri, taco og sushi. Som til dømes at lakris blei brukt som medisin i gamle dagar.
Visste du at i Mexico er det vanleg å ha sjokolade i taco? Visste du at ein tunfisk blei seld for 26 millionar kroner?

Bøkene har enkel tekst og fargerike illustrasjonar. Dei er skapte til å stimulere og inspirere ferske lesarar.

Les meir

Kristoffer Kjølberg: Visste du at …? FLY, BÅT og BIL

Desse tre bøkene inneheld mange artige og interessante fakta om båtar, bilar og fly. Som til dømes at den første båten blei laga for om lag 10 000 år sidan, og at dei fleste tinga dine har blitt frakta med båt til Noreg.

Visste du at det ville teke seks månader å køyre bil til månen? Og visste du at brannbilen kan køyre på raudt lys?

Bøkene har enkel tekst og fargerike illustrasjonar. Dei er skapte til å stimulere og inspirere ferske lesarar.

Leseland, nivå ein

Les meir

Anna Fiske: Visste du at …? MAUR, MARK og MYGG

Desse tre bøkene inneheld mange artige og interessante fakta om maur, mark og mygg.

Visste du at mauren kan bere opptil fem gongar si eiga kroppsvekt? Visste du at marken hjelper plantane å vekse? Visste du at myggen finst over heile verda? Berre ikkje i Antarktis.

Bøkene har enkel tekst og fargerike illustrasjonar. Dei er skapte til å stimulere og inspirere ferske lesarar.

Les meir

Hanne Sigbjørnsen: Visste du at …? BLOD, BÆSJ og HÅR

Desse tre bøkene inneheld mange artige og interessante fakta om blod, bæsj og hår. Visste du at blodet fraktar mat ut til heile kroppen? Visste du at tjukktarmen er over ein meter lang? Visste du at ei dame frå Kina hadde hår som blei over fem meter langt? Og at det er verdsrekord!

Bøkene har enkel tekst og fargerike illustrasjonar. Dei er skapte til å stimulere og inspirere ferske lesarar.

Les meir

Lars Mæhle og Monica Egeli: Gjett ordet med Lurivar – Andre ord

Lurivar er nyfiken og glad i ord. Derfor er han ein ordspion. Saman med ei venninne tenkjer og leitar han etter eit nytt ord. Det er noko alle dyr og alle menneske treng. Det er ikkje i havet, berre på jorda. Det er ute og inne. Kva kan det vere?

Gjett ordet med Lurivar er andre boka om ordspionen Lurivar. Det er ei god historie med enkel tekst og sjarmerande illustrasjonar, skapte for å stimulere og inspirerer ferske lesarar.

Leseland, nivå ein

Ingelin Røssland: OMG

Ingelin Røssland skildrar ungdomskulturen, tankar, språk og hendingar rått og sårbart. I OMG møter vi Maria på 15 år. Livet handlar om å bryte grenser og gjere opprør. Å feste, status i flokken, hærverk, å erobre unge menn med raske bilar og å skaffe seg seksuell røynsle. Maria identifiserer seg med mørk råskap og viser ikkje nåde til nokon. Heller ikkje mor si, besteveninna Julie, eller mormor, som utgjer hennar nærmaste etter at ein kjær morfar gjekk bort.

Ein fest går over styr, og Maria blir skyssa heim i politibil. Dette får begeret til å flyte over for den fortvila og slitne mor hennar. Anten ringer ho barnevernet, eller så tek Maria ei veke hjå den strenge mormora i Tysnes. Utan mobil og Internett.

Les meir

Atle Berge og Henning Lystad: Robot-Birk

Vi kjenner att gutane frå dei første bøkene om Barcelona-gjengen. Denne forteljinga startar med eit dramatisk fall som endar med sjukehusopphald for Birk. Både han og resten av fotballaget synest det er heilt forferdeleg. Snart er det nemleg årets viktigaste kamp. Kven skal no rope «skyt» når Moa skal skyte? Det brukar Birk alltid å gjere, og no ligg han på sjukehus og kan verken rope eller spele fotball. Men kanskje dei kan låne roboten, som er auga og øyra til Birk, og som rektor brukar i klasserommet medan Birk er for sjuk til å kunne følgje undervisinga på skulen? Klarer dei å få lånt roboten utan at nokon merkar noko, og klarer dei å vinne kampen?

Leseland, nivå tre

Lin Hallberg og Jonna Björnstjerna: Den magiske dyrebutikken – Ein venn til Leo

Til nynorsk ved Øystein Rosse.

Leo har mykje energi, så mykje at han knapt klarer å sitje stille, men er høgt og lågt heile tida. Dei andre i klassen synest det er travelt. Leo skulle så gjerne hatt ein venn, men kven skulle det vere? Ein dag han tek att Mira på skulevegen, fortel ho om Den magiske dyrebutikken. Sjølv fekk ho «Gullet», den hemmelege vennen sin, der. I Den magiske dyrebutikken er det den gamle dama som styrer, og ho veit akkurat kva slags dyr som passar for Leo. Ho gir han også ei liste med alt eit dyr treng for å trivast. Skal tru om Leo klarer å ta seg av den nye vennen sin, han som har så mykje energi, og som ikkje klarer å lese kva som står på lista frå den gamle dama?

Den magiske dyrebutikken – Ein venn til Leo er ei bok om vennskap og kjæledyr, og om å jobbe for noko ein vil veldig mykje. Illustrasjonane og teksten spelar godt på lag i denne humoristiske og hjartevarme forteljinga.

Jo Salmson og Jimmy Wallin: HJELP! Det brenn!

Leseland, nivå tre.

Til nynorsk ved Øystein Rosse.

Ein liten hund skadar poten sin då han trakkar på knust glas i parken. Stakkar! Slik kan vi ikkje ha det! Linn, Leonita og vennene i gata bestemmer seg for å ta ansvar og rydde parken for søppel og alle glasbitane som er der. Dei samlar avfallet ved søppelbøtta. Dei gjer ein kjempejobb og feirar med piknik. Men då det byrjar å lukte svidd i graset der glasbrota ligg, endar den fine dagen nesten med katastrofe ved at det byrjar å brenne. Brannvesenet må rykke inn, og heldigvis forstår også dei vaksne i gata at dei bør ta ansvar og bidra i dugnaden. Som premie for god innsats får borna besøkje brannstasjonen.

Anders Totland og Line Halsnes: Ut i rommet

Leseland, nivå to.

Alva drøymer om å reise ut i rommet. Må ho vente til ho blir stor? Pappa fortel historiene om dei som har vore på månen til no; dei fyrste som nådde målet. Kvinner og menn. Ulike nasjonalitetar, oppgåver og roller. Hell og uhell. Til og med dyr har vore der! I draumar får ho bli med på eventyret saman med Neil, Buzz og den ikkje fullt så kjende Michael i Apollo 11. Illustrasjonane frå rommet gjev kjensle av djupne, tid og rom, og kontrastar mellom lys og mørke, verkelegheit og fantasi.