Kategoriarkiv: nettutgåve

Annlaug Auestad: Kuvenninnene

KuvenninneneDette er ei bok om venninnekyr. Ei bok om Jorun som er blank i pelsen, Konni som har fin bjølle, Gullhorn med dei flottaste horna, og Berta med dei største jura …

Som andre venninner begynner kyrne å krangle om kven som er finast og best, og til slutt sprekk det for Jorun. Ho ORKAR ikkje all kivinga!

Ei humoristisk bildebok om kyr, vennskap og krangling. Her er det rauting av ypperste klasse.
Les meir

Annlaug Auestad: Neppe

NeppeEi vakker lita biletbok for dei aller minste, i glade, lyse fargar. Neppe er ein liten bamse, som leitar etter yndlingsleika si, menneskedokka Nisse.

I klassisk peikebokstil går vi frå side til side og leitar, og først er det dei andre leikekameratane til Neppe som dukkar opp, ein etter ein, alle med namn som startar på N: Nøtte og Nille og Nusse. Alle tilbyr seg å bli med på leitinga etter Nisse. Korleis det endar, skal vi ikkje røpe her! Men godt går det. Annlaug Auestads bilete har sjarm og karakter, og byr på fine detaljar som den vesle lesaren av bileta veit å verdsetje.
Les meir

Max Velthuijs: Frosken og haren

Frosken og harenNy bok i serien om «Frosken og vennene» for dei aller minste kjem no ut på Det Norske Samlaget. Frosken og vennene finn på hyggelege ting å gjere saman.

Denne gongen er det Frosken og haren som arbeider i og rundt huset. Dette er hendige kartongbøker i peikebokformat som har appell til barn frå eittårsalderen og oppover, og som toler små uvørdne hender.

Les boka på sida til Nasjonalbiblioteket:
Frosken og haren

Hans Sande og Gry Moursund: Arkimedes og brødskiva

Arkimedes og brødskivaEi vill og leikande forteljing omkring to naturlover: brødskiva landar alltid med smøret ned og katten landar alltid på føtene. Pappaen til Evreka er oppfinnar, og Evreka gjer eit utruleg forsøk som opphevar tyngdekrafta, katten Arkimedes kan flyge!

Boka er leikande og lett, men handlar likevel om naturlover, om samspel og omsorg mellom menneske og dyr, og om konfliktar mellom far og dotter. Referansane til den klassiske Arkimedes i badekaret og oppdaginga hans er like luftige som resten av forteljinga, og kjennskap til denne historia er slett ikkje nødvendig for å ha glede av boka. «Arkimedes og brødskiva» passar for ungar i alle aldrar, for her er sjonglering med humor og alvor, ein grenselaus leik med ord og bilde, og realistisk og kvardagsleg handling som brått glir over i det fantastiske.

Les boka på sida til Nasjonalbiblioteket:
Arkimedes og brødskiva

Max Velthuijs: Frosken og den spesielle dagen

Frosken_og_den_spesielle_dagenFrosken på ferde igjen!

Ein morgon når frosken vaknar, hugsar han det haren sa: Dette er ein heilt spesiell dag.

Men kvifor? Frosken går ut og spør vennene sine, men dei svarar i hytt og ver – og haren er ikkje heime. Gråtande går frosken til slutt heimover. Men kva er dette? På hustaket hans er det eit flagg, og innanfrå høyrest stemmer. Frå engelsk ved Hanna Midtbø.

Les boka på sida til Nasjonalbiblioteket:
Frosken og den spesielle dagen

Eva Jensen og Inger Lise Belsvik: Alle i Alta kan

Alle i Alta kanEva Jensen fortel at ho lenge hadde hatt lyst til å skrive ein poetisk ABC for barn. Ho var inspirert av mellom anna Olav H. Hauges ABC. Boka med alfabetdikt kom i 2000 og er illustrert av Inger Lise Belsvik. Her er diktet til bokstaven A:

Alle i Alta kan
alle i Alabama kan
alle i Alaska kan
alle i Asia kan

men apa kan ikkje
og anda kan ikkje
og anakondaen kan ikkje
og ansjosen kan ikkje

Kan ikkje kva? Lære alfabetet, vel!

Etter kvart fekk Jensen idear til to nye biletbøker, slik at det vart ein trilogi. «Skulestarttrilogien» vert han gjerne kalla. Først kom Tre høns på plenen og fire egg. Denne boka er illustrert av Gry Moursund, vart nominert til kritikarprisen for 2002 og er omsett og seld til fleire land både i Europa og i Asia. Boka byr på ein spennande og frodig introduksjon til tala si verd, illustrasjonane er fargesprakande og fulle av overskot. Gry Moursund har også illustrert den tredje boka, som kom i 2004, Alt kan begynne med kvitt. Dette er tre unike fagbøker for småskuletrinnet, og bør finnast i alle skulebibliotek!

Les boka på sida til Nasjonalbiblioteket:
Alle i Alta kan