Skribentarkiv: Nynorsksenteret

Bobler frå djupet

Bobler frå djupet er ein ny antologi med teikneseriar på nynorsk. Teikneseriane er særleg retta mot elevar i ungdomsskulen og vidaregåande skule.

Antologien inneheld desse seriane:

  • «Cordelia» av Johanne Eikå Bergill
  • «Bjartmann» av Øystein Runde
  • «Kongen i havet» av Katarina Aasgaard Strømsvåg
  • «Jojo» av Ida Neverdahl
  • «Dunce» av Jens K. Styve
  • «Freden» av Jey Levang

På teikneseriesidene til Nynorsksenteret er det mogleg å tinge gratis klassesett av teikneserien. Der finn du i tillegg undervisningsopplegg til heftet.

Les meir →

Dan Höjer og Peter Demervall: Superrask, Supersmart og Supersterk

Frå svensk ved Ole Jan Borgund

Kor fort køyrer den raskaste berg-og-dal-banen i verda? Har storleiken på hjernen noko å seie? Kva er det meste eit menneske har løfta?

Dei tre faktabøkene Superrask, Supersmart og Supersterk gjev lesarane morosame fakta om muskuløse folk, smarte dyr, raske menneske og mykje anna. Bøkene kombinerer tankevekkjande fakta med tøffe illustrasjonar.

Bøkene er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar.

Utdrag frå bøkene: Les meir →

Mette Eike Neerlin: Hest, hest, tiger, tiger

Omsett til nynorsk av Brit Bildøen

Korleis kan ei bok handle om det mest alvorlege av det alvorlege, på same tid som ho er komisk og underfundig? Hest, hest, tiger, tiger er ei slik forteljing.

Honey bur saman med mor si og storesøster Mikala. Ho er van med å klare det meste: Lage mat. Handle inn. Ta seg av søster si. På skulen prøver ho å vere venn med alle, men ho er sjeldan saman med nokon av klassekameratane på fritida. Og så er det pappa då, som ringjer og spør om ho vil ta ein kopp kakao i lag med han, men som helst vil låne pengar av henne. Pappa med dei store tatoveringane, som stadig vekk gjer litt for mykje av seg i sosiale samanhengar. Både han og Mikala kan rett og slett bli litt «altfor mykje» til tider. Dess meir plass dei tek, dess mindre vert Honey.

Les meir →

Anna R. Folkestad: Krabbekrise

krabbekriseNy bok i serien om Besta og Bo!

Besta og Bo vil vinne konkurransen om å fiske flest krabbar. Men krabbane bit ikkje på. Så gjer Besta noko heilt vilt. I typisk Besta-stil.

Krabbekrise er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar.

Les meir →

Bente Bratlund og Odd Henning Skyllingstad: Feriefiasko

feriefiaskoAndre bok om Bea!

Sommarferien er rett rundt hjørnet, og alle gler seg til sol og sommar og ferietur. Ida skal til Italia, Ella skal til besteforeldra, og Bea seier ho skal noko hemmeleg. Noko veldig hemmeleg og veldig spennande. Ho må berre finne ut kva det hemmelege spennande kan vere. Og det er ikkje så lett når ferien berre er heime.

Men ein dag skjer det noko. Og det er berre Bea som ser det.

Les meir →

Vegard Markhus: Full fart!

full_fartAndre bok om Rine og Ravi

Rine og Ravi gler seg til skitur med klassen. Men Lærar-Knut går altfor fort! Og pausar er for pyser, seier han. Så vil Lærar-Knut ta ein snarveg utanfor løypa. Det skulle han aldri ha gjort.

Full fart! er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar.

Leseland. Nivå 2.

Les meir →

Moni Nilsson og Elin Lindell: Påfunn i Paradis

Frå svensk ved Øystein Rosse.

Slatten har ingen å leike med. Det har han nesten aldri. Det er ganske så trist. For om ein ikkje kan å spele fotball, får ein ikkje vere med. Men når det flyttar ei ny jente inn i Paradis blir alt så mykje meir morosamt. Ho heiter Kaka, og har auge som skin som gull. Og ho er glad i å finne på heilt nye ting.

Slik byrjar serien Påfunn i Paradis. Gjennom fem bøker følgjer vi Slatten og Kaka på eventyr i nabolaget.

Bestevener er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar. Les meir →

Erna Osland: He-he! Ei bok om den livsviktige latteren

HeheBarn ler 300–400 gonger for dagen. Vaksne berre 10–15 gonger. Mange dyr ler også! Kvifor ler barn så mykje meir enn vaksne? Kan latter gi oss venner? Blir vi snille av å le? Eller friske? Og er det mogleg å le seg i hel? Dette er nokre av dei mange spørsmåla du finn svar på i boka He-he. Det handlar om kor skummel latteren kan vere, men mest av alt kor godt og viktig det er å kunne le.

Boka er illustrert av Per Ragnar Møkleby.
Les meir →