Skribentarkiv: Anne Marta Vinsrygg Vadstein

Max Velthuijs: Den store boka om frosken og vennene

Opplegg til boka:
Bok på 1-2-3: Frosken om vinteren

Omsett av Hanna Midtbø og Halldis Moren Vesaas

Det er tretti år sidan dei første forteljingane om frosken, og kva er vel betre enn å samle seks av bøkene i ei jubileumsutgåve? I Den store boka om frosken og vennene finn du desse forteljingane:

Les meir

Christian Wiik Gjerde: Jul på Bukken hotell

I Blomholmen by snør det lett 1. desember, men det er likevel ikkje det spor julestemning i byen, synest Fredrik. Han er heime på juleferie frå kostskulen i Sveits, men det viser seg at dei ikkje kan bu heime på mange månader. No er han og foreldra på veg til eit hotell, der dei skal bu medan det er folk i huset deira som ordnar opp i vasslekkasjen og museinvasjonen. På veg til hotellet opnar Fredrik ein konvolutt som er adressert til far hans, ordførar Hanzon. Ein mystisk medalje ramlar ut. Avsendaren er ein som kallar seg Krampus, men Fredrik har ei kjensle av at det ikkje nødvendigvis er eit godt teikn å få ein medalje frå han. Dessutan er ikkje foreldra til Fredrik særleg hyggelege, og han mistenkjer at den manglande julestemninga har noko med ordførarpappaen hans å gjere.

Les meir

Lin Hallberg og Jonna Björnstjerna: Den magiske dyrebutikken – Ein venn til Leo

Til nynorsk ved Øystein Rosse.

Leo har mykje energi, så mykje at han knapt klarer å sitje stille, men er høgt og lågt heile tida. Dei andre i klassen synest det er travelt. Leo skulle så gjerne hatt ein venn, men kven skulle det vere? Ein dag han tek att Mira på skulevegen, fortel ho om Den magiske dyrebutikken. Sjølv fekk ho «Gullet», den hemmelege vennen sin, der. I Den magiske dyrebutikken er det den gamle dama som styrer, og ho veit akkurat kva slags dyr som passar for Leo. Ho gir han også ei liste med alt eit dyr treng for å trivast. Skal tru om Leo klarer å ta seg av den nye vennen sin, han som har så mykje energi, og som ikkje klarer å lese kva som står på lista frå den gamle dama?

Den magiske dyrebutikken – Ein venn til Leo er ei bok om vennskap og kjæledyr, og om å jobbe for noko ein vil veldig mykje. Illustrasjonane og teksten spelar godt på lag i denne humoristiske og hjartevarme forteljinga.

Alfred Fidjestøl: Som ein bror. Historia om sjimpansen Julius

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 47–59)

«Som ein bror» er ei sakprosabok om sjimpansen Julius, som for førti år sidan måtte bergast ut av flokken i Dyreparken i Kristiansand, og som levde i to menneskefamiliar før han vart tilbakeført til sjimpansane. Det er ei spennande forteljing. Mange barn har sett og helsa på Julius i dyreparken, men boka er like interessant for dei som ikkje kjenner Julius i det heile teke. Boka fungerer både som høgtlesingsbok for dei yngste og som lese-sjølv-bok for dei litt eldre på barneskulen.

Les meir

Anders Totland: Nattmannen

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 7–16)

I fleire hundre år var arbeidet med å rydde etter folk sett på som så ureint at ein aldri kunne bli rein igjen om ein først hadde skitna seg til. Å vere nattmann innebar å vere utstøytt sosialt og å misse æra, like mykje som å gjere tungt og illeluktande arbeid nattestid. I tillegg til å køyre vekk driten og rydde i gatene måtte nattmannen rydde etter bøddelen, flå hestar og tømme nattpotter.

Les meir

Kari Stai: Jakob og Neikob. Stormen

Opplegg til boka:
Bok i bruk: Jakob og Neikob – med opplegg, fargeleggingsark og animasjonsfilm.

Dette er den sjette boka om Jakob og Neikob. Jakob og Neikob er framleis bestevenner som bur i lag på ein bakketopp. I Stormen møter vi også Spinnvill, ein energisk figur som driv ein fabrikk som kan lage alt mogleg. Spinnvill har fire hender, går på hjul og har det breiaste gliset du kan tenkje deg. Ho vil gjerne trykkje på alle knappane i fabrikken og lage alt mogleg på ein blunk!

Les meir

Christine Ponsard og Jean-Francois Kieffer: Evangeliet for barna

Evangeliet for barna inneheld 50 forteljingar frå Det nye testamentet, i teikneserieform. Illustrasjonane har ein gjennomarbeidd strek i klare fargar, og språket er kvardagsleg og lett å lese. Læreplanen i KRLE seier at elevane mellom anna skal fortelje om innhaldet i sentrale tekstar frå evangelia si framstilling av Jesu liv og arbeid i Det nye testamentet. Denne boka er fin å bruke som utgangspunkt for samtale.

Trude Tjensvold: Vil du ha katt?

Leseland, nivå to

Gro og Gunnar finn ein katt i ei kasse. Det heng ein lapp på: Vil du ha katt? Sjølv kan dei ikkje ha katt, sidan mor er så allergisk. Gro og Gunnar må finne ein annan heim til Rusken, og ringjer på til alle i blokka etter tur. Det er allereie mange kjæledyr i blokka deira, men det er ikkje alle som passar like godt saman med pusen. Finn dei ein heim til han til slutt?

Lin Hallberg og Jonna Björnstjerna: Den magiske dyrebutikken – Ester lengtar

Leseland, nivå to.

Ester er ny i byen og kjenner ingen. Utanfor vindauget ser ho ein gut med ein hund, og kjenner at det hadde gjort alt betre om ho hadde hatt eit dyr å vere glad i. Ho finn vegen til Den magiske dyrebutikken. I butikken er det både papegøyar, blekksprut og ein antilope. Kva for eit dyr skal ho velje?

Ester lengtar er ei eventyrleg og magisk lita forteljing om det å få eit dyr.