Nynorsksenteret lagar gratis undervisingsopplegg til utvalde nynorske barnebøker. Målet er å gjere det lett for lærarane å ta i bruk bøkene i klasserommet.


Infoplakat (PDF)

Bok på 1-2-3: Bokstavsommaren

Tverrfagleg uteopplegg på 90 minutt for 1.–2. klasse i faga norsk, naturfag og kunst og handverk.

Undervisingsopplegg (PDF)

Styrk vil snorkle, men da må nokon passe på han.
Det blir Zara, veslesøstera hans.
Ho er for lita til å snorkle,
men stor nok til å halde auge med broren.
Som lønn skal ho få ein skatt kvar dag.
Skatten skal komme frå havet
og begynne på ein ny bokstav kvar gong.

Les meir

Bok på 1-2-3: Brevet frå krigen

Dette er eit tofagleg opplegg for 5.–7. trinn og 8.–10. trinn i faga norsk og samfunnsfag. Med utgangspunkt i boka Brevet frå krigen arbeider vi med nokre sentrale hendingar i den andre verdskrigen i Noreg. Vi skal også sjå dei i samanheng med verdigrunnlaget i LK20, der menneskeverdet, demokrati og medverknad er sentrale punkt.

Brevet frå krigen er eit godt utgangspunkt for å snakke om menneskesyn og tidlause verdiar som vennskap og omsorg. Opplegget er laga for heimeskule, men kan også gjennomførast i klasserommet.

Les meir

Bok på 1-2-3: Jakob og Neikob og det tomme rommet

Jakob og Neikob er bestevenner og bur i lag i eit høgt hus. Jakob bur i første etasje, og Neikob bur i andre. Men på loftet er det heilt tomt.

På ein humoristisk og underfundig måte formidlar forfattar og illustratør Kari Stai kvardagslege situasjonar også små barn kan kjenne seg igjen i. Boka eignar seg svært godt til høgtlesing. I tillegg inviterer forteljinga til samtalar kring tre av dei verkeleg store spørsmåla i livet: vennskap, forsoning og ikkje minst jul.
Les meir

Bok på 1-2-3: Reisa til verdas farlegaste land

Simen Hagerup si gjendikting av Malte Perssons Reisa til verdas farlegaste­ land tek oss med til ei verd med både sjøuhyre, troll, spøkelse og andre skumle vesen. For å kome deg fram til slottet må du gjennom skogen, med alle slags prøvingar. Dei makabre, men humoristiske illustrasjonane til Rui Tenreiro støttar godt opp om teksten. Her er akkurat nok grøss og gru til at nakkehåra reiser seg, men ikkje verre enn at du får sove om kvelden.
Les meir

Bok på 1-2-3: Eg og Pontus går for gull

Eg og Pontus er ikkje slik som du. Vi tenkjer oss aldri om to gonger. Vi gjer alt det du fann ut at du ikkje tør, ikkje kan, ikkje får lov til eller ikkje gidd likevel. Eg og Pontus vekkjer til liv ein mørklagd by, lagar fest og musikk, ranar kongen, fiksar ein revolusjon og feirar durabeleg etterpå. Alt på ein dag. Så reiser vi vidare.

Heile boka Eg og Pontus går for gull er skriven på rim, som eit langt dikt eller ein ballade. Forfattaren, Odd Nordstoga, er kan hende betre kjend som musikar og låtskrivar. Nordstoga har røter i folkemusikken, og det kan vi høyre i mange av songane hans. Både i denne boka, og i folkemusikken før og no, er dans og livsglede viktige moment.
Les meir