Marius Duvdalen går tur med hunden Rapp då han legg merke til at det ikkje ryk frå pipa til Agnes Skarstulen. Det er -30 ute, så dette må han finne ut av. Naboen Annirose har heller ikkje sett ho. Hunden finn Agnes ute i snøen, og det er ikkje tvil om at Agnes har vore utsett for eit brotsverk. Lensmann Sylfest Seljestad kjem, og ber om teknikarar. Han tilkallar også Jørgen Vold og Reidun Hammer. Marius fortel at Agnes hadde vunne fleire millionar i lotto, men at det ikkje var mange som visste det.
Kategoriarkiv: krim
Ruth Lillegraven: Alt er mitt
Ekteparet Haavard og Clara byttar på å ha synsvinkelen i det meste av boka, som har 75 små kapittel. Dei lever tilsynelatande eit hyggeleg og velfungerande familieliv med tvillingsønene sine. Haavard er lege på Ullevål og Clara er byråkrat i justisdepartementet. Kapitla er skrivne vekselvis på nynorsk og bokmål.
Rune Timberlid: Blodhemn
Hendingane er lagde fram i tid, til 2019. Gruva i Vevring skal opnast, og tonnevis med sand og støv og eit lik er på veg mot botnen av Førdefjorden. Beinrestar av eit anna lik dukkar opp i ein trål, og det er hundrevis av demonstrantar i området. Demonstrantane kaprar ein dumpar og køyrer rett mot eit sprengstofflager. Politiet i Florø og Førde får meir enn nok å handtere.
Her får vi ein samfunnsaktuell krim, full av spenning til siste side og med eit godt driv. Det er mange lause trådar og mange mistenkte som har sine motiv for mord. Dette er åttande bok om kriminalbetjent Rolf Randen, som har løyst kompliserte saker mange stader i Sogn og Fjordane. Boka kan godt lesast som ein frittståande roman.
Lars Mæhle: Den stille flokken
Den stille flokken er den tredje krimboka i serien der psykolog og kampsportsutøvar Ina Grieg er hovudperson, men ein kan godt lese denne romanen uavhengig av dei to andre. Dette er både ei spennande krimbok og ei bok som tar opp tilhøva for taterar/dei reisande ved Svanviken arbeidskoloni. Ein pasient blir borte frå psykiatrisk avdeling, og samstundes blir to eldre søstrer funne drepne. Ein journalist kan ikkje gløyme ei tidlegare, uløyst drapssak, og nå er fristen for forelding i ferd med å gå ut. Ina Grieg hadde kontakt med den psykiatriske pasienten som blir kalla Den stumme, for femten år sidan. Når ho og etterforskar Hugo Fannrem begynner å nøste, finn dei trådar tilbake til Svanviken arbeidskoloni. Kven er dei fire som har laga ein hemmeleg avtale om aldri å seie noko? Les meir
Magnhild Bruheim: Bjørnemysteriet
I denne tredje spanande krimforteljinga om Stian og Stine hender det fleire ran og innbrot. Det rare er at gjerningsmennene har på seg dyrekostyme. Stian og Stine grip fatt i saka og byrjar etterforska saka på eiga hand. Slik viklar dei seg inn i fleire skumle situasjonar. Kven er ven og kven er skurk? Og kva er det eigenleg som føregår i nattemørket på garden Vistad?
Stine heldt pusten. Det eine dyret såg rett mot staden der dei stod. Det var som om den store ulven møtte blikket hennar, sjølv om ho heilt sikkert var usynleg der ho stod. Ho greip handa til Stian, berre for å vita sikkert at han var der. Saman måtte dei vera modige.
Ulven tok nokre steg nærmare.
Magnhild Bruheim: Hyttemysteriet
I denne andre boka i spenningsserien om Stian og Stine oppsøkjer Stian ei gammal, forfallen hytte i skogen. Ein gong skjedde det eit mord i hytta, eit mord som ikkje vart oppklara. Det er noko mystisk med hytta, og saman med Stine bestemmer Stian seg for å finne ut kva det er. Kven er mannen som ser ut til å bu der? Har han noko med drapet å gjere?
Det er meir enn mysteriet som må jobbast med. Dei to stesøskena har nettopp blitt ein del av ein ny familie, og det er ein del som skal gå seg til. Mor til Stine ønskjer at dei skal ha kvalitetstid i lag heile familien, men det er ikkje berre enkelt å få alle til å prioritere pizzakveldar i heimen når det er så mykje anna som lokkar, både for storesøstra Malin og dei to unge detektivane. Dessutan likar Stine å vere saman med Julie og Ida, og då er det ikkje lett å få tid til både detektivarbeid og kvardagsliv. Når ho i tillegg tek til å få fine meldingar frå Markus i klassen, får ho enno fleire tankar i hovudet.
Magnhild Bruheim: Motorsykkelmysteriet
– Stian og Stine. Namna passar saman. Vi kunne vore tvillingar. Kanskje mange trur vi er det. Stine såg prøvande bort på Stian.
Slik startar den første boka i spenningsserien om Stian og Stine. Begge er 12 år gamle og bur i det same huset, fordi mor til Stine og far til Stian er kjærastar og har flytta saman. Den nye familien skal lære seg å leve saman, og det er ikkje alltid like lett. Stine vil gjerne at også storesøstera til Stian, Malin, skal like henne. Stine synest ikkje det er lett å bli klok på henne, og lurer på kvifor Malin er så sur.
Ein kveld skjer det noko mystisk og farleg i nabolaget: Ein gut vert påkøyrd av ein motorsyklist. Stian og Stine oppdagar at begge likar å løyse mysterium, og tek saka. Dei neste dagane får dei oppleve meir spenning enn godt er, og vennskapen deira vert utfordra.
Tone Nørvåg: Politihunden Falk (serie)
Illustrert av Odd Henning Skyllingstad
Politihunden Falk til teneste!
Schæferhunden Falk har sin aller første arbeidsdag som politihund, saman med politibetjenten Hanne. Nokon har gjort hærverk på barneskulen om natta, og på kyrkjegarden er fleire gravstøtter velta. Falk må bruke sansane sine til å løyse oppdraget. Klarer Falk og Hanne å finne gjerningsmannen?
Anne Viken: Elise og mysteriet på Hesteøya
Eg har ei jente på tolv år som ikkje likar hestebøker, men som har stor sans for Elise-bøkene. Ho likar at dei er litt skumle, og ho likar dei rare kapitteloverskriftene og at ein lærer mykje interessant om dyr.
Dette er tredje bok i serien av frittståande forteljingar om hestejenta Elise. Ho er òg denne gongen assistent for onkelen Kalle, som er veterinær. Som i dei to andre bøkene møter Elise ei skummel detektivgåte som ho tek ansvar for å løyse.
Anne Viken: Elise og mysteriet på hesteklinikken
Frå 10 år og oppover
Elise skal ha arbeidsveke hjå onkelen på hesteklinikken. Ho har førebudd seg godt og gler seg til å arbeida som veterinærassistent, men brått byrjar merkelege ting å henda. Kvifor vert dyra sjuke av medisinane? Og kva er dei mystiske ljodane ho høyrer i den gamle veterinærbustaden?
Anne Viken, som sjølv er utdanna veterinær, tek hesteinteressa til målgruppa på alvor. Kunnskap om hestar, dyrevelferd og hestesjukdomar vert slik ein integrert del av den spanande detektivforteljinga.