Kategoriarkiv: spenningsbøker

Lars Mæhle: Andromeda

Simon sin strategi er å oppføre seg som ein dritsekk. Nå er han 16 år og har nettopp flytta til den tredje fosterfamilien sin. Han har hamna i bråk og slåstkamp mange gonger, og han meiner slåstinga gjer han godt. Han har bestemt seg for å halde den harde maska når han skal begynne i ein ny klasse. Dette er opptakten til ei veldig spennande forteljing, der hendingane går på livet laus.

På førehand har Simon blitt åtvara mot tre av gutane i klassen, og han oppdagar snart at det er Sindre som er sjefen, og at han har to hjelparar, William og Samuel. Han får også lett auge på mobbeofferet, Pippin, ein liten, spe gut med langt, lyst hår. Simon tenker: «Eg trudde eg hadde full kontroll. Det skulle raskt vise seg at det var langt frå sanninga.» Han veit ikkje korleis han skal takle det å ha møtt overmennene sine, og han veit heller ikkje korleis han skal oppføre seg overfor Kaja. Ho er ei spesiell jente, og ho kjem på besøk til Simon. På rommet sitt har Simon ein stjerne­kikkert, og Kaja veit mykje om himmelrommet. Dei kyssar.

Les meir

Robert Muchamore: Brigands MC

Dette er den 11. boka i Cherub-serien.

Boka startar i motorsykkelklubben Brigands. Faren til hovudpersonen er medlem, og åtte år gamle Dante er ofte til stades i dette kriminelt belasta miljøet. Faren ryk uklar med leiaren i klubben, og Dante vert vitne til at foreldra og to av søskena vert brutalt drepne. Dante må flykte med veslesøstera, og dei vert plasserte i fosterheim.

Dante vert etter kvart rekruttert inn i Cherub, som er ein del av den britiske etterretningstenesta. Alle agentane er mellom 10 og 17 år.

Les meir

Sturla Bang og Hilde K. Kvalvaag: Under

«I Zeijang-Volvo held vi kvarandre i hendene», seier direktørpresident Ingmor.

Det totalitære framtidssamfunnet Zeijang-Volvo er, bokstaveleg tala, bygt på restane av eit tidlegare samfunn som har gått under. Her møter me barneheimsjenta Ela, som arbeider som slave i produksjonshallane. Ho oppdagar etter kvart at regimet tek livet av folk, og ho set difor i gang eit opprør. Samstundes vert det klart for lesaren at Ela har noko som både styrarane og den mystiske undergrunnsrørsla er ute etter …

Forfattarane har greidd å skapa eit fascinerande, dystopisk science fiction-univers der språket, som er iblanda restar av svensk og kinesisk, gjev ekstra liv til verda som vert skildra.

Les meir

Erna Osland og Sigbjørn Lilleeng: Bestem deg, Tony T, bestem deg!

Tony T og kusina Silja er begge på ferie hos farfar. Silja er modig og liker veldig godt å dykke, og ho meiner bestemt at Tony T er veldig treig og aldri kan bestemme seg. Farfar er litt uroleg for alt Silja finn på, for i fjor måtte ho hentast med helikopter. Silja stikk seg ofte bort, og Tony leitar.

Tony finn ho på loftet der ho nærast overfell han. Ho seier ho skal vise han ei hemmelegheit, men ombestemmer seg. Etterpå kjem ho durande ned på kjøkkenet med eit kart som farfar fortel har vore oldefarens markeringar av kvar det finst vrak. Silja liker å dykke på vrak, det var det ho hadde gjort sommaren før. På loftet finst det visst mange rare saker.

Les meir

Lars Mæhle: Den stille flokken

Den stille flokken er den tredje krimboka i serien der psykolog og kampsportsutøvar Ina Grieg er hovudperson, men ein kan godt lese denne romanen uavhengig av dei to andre. Dette er både ei spennande krimbok og ei bok som tar opp tilhøva for taterar/dei reisande ved Svanviken arbeidskoloni. Ein pasient blir borte frå psykiatrisk avdeling, og samstundes blir to eldre søstrer funne drepne. Ein journalist kan ikkje gløyme ei tidlegare, uløyst drapssak, og nå er fristen for forelding i ferd med å gå ut. Ina Grieg hadde kontakt med den psykiatriske pasienten som blir kalla Den stumme, for femten år sidan. Når ho og etterforskar Hugo Fannrem begynner å nøste, finn dei trådar tilbake til Svanviken arbeidskoloni. Kven er dei fire som har laga ein hemmeleg avtale om aldri å seie noko? Les meir

Überkrig

ÜberkrigÜberkrig er den tiande teikneserieantologien frå forlaget Überpress. Denne gongen tek serieskaparane føre seg temaet krig, og to av historiene er på nynorsk. Innfallsvinklane i dei ulike seriane er ulike – krigen vert nytta både som ramme, bakteppe og metafor her – og særleg den 16 sider lange opningsforteljinga «Freden» av Jey Levang gjer inntrykk.

Magnhild Bruheim: Bjørnemysteriet

BjørnemysterietI denne tredje spanande krimforteljinga om Stian og Stine hender det fleire ran og innbrot. Det rare er at gjerningsmennene har på seg dyrekostyme. Stian og Stine grip fatt i saka og byrjar etterforska saka på eiga hand. Slik viklar dei seg inn i fleire skumle situasjonar. Kven er ven og kven er skurk? Og kva er det eigenleg som føregår i nattemørket på garden Vistad?

Stine heldt pusten. Det eine dyret såg rett mot staden der dei stod. Det var som om den store ulven møtte blikket hennar, sjølv om ho heilt sikkert var usynleg der ho stod. Ho greip handa til Stian, berre for å vita sikkert at han var der. Saman måtte dei vera modige.

Ulven tok nokre steg nærmare.

Les meir

Tor Arve Røssland: Glimt

GlimtDen nye grøssaren til Tor Arve Røssland har to tidsplan og to ulike historier, og kapitla i boka vekslar mellom dei to historiene.

Den eine av historiene handlar om foreldrelause Solveig som er 15 år og bur på Grovøy, ei øy i havgapet. Historia er lagd til vårdagane 1940, krigen har nett starta og tyskarane kjem til Grovøy. Dei okkuperer huset ho bur i, og Solveig blir tenestejente i sin eigen heim. Ho får lange og tunge arbeidsdagar, og misliker løytnant Steiner som ofte er på besøk og stirer på ho. Men ho liker Torbjørn … Etter kvart blir det svært vanskeleg for Solveig, fordi folk på øya mistenker at ho er på sida til tyskarane.

Les meir

Ingunn Røyset: Aldri fred å få

Aldri fred å fåDen første boka om Dagny, Dei et ikkje sjokoladepålegg i krigen, har no fått eit framhald. Det er bra, for vi var mange som var spente på korleis det skulle gå med Dagny og bestevenninna Belinda, med Kalla, Perry og Guldis og alle dei andre dei siste åra av andre verdskrigen. I den frittståande oppfølgjaren Aldri fred å få får vi mange svar, og vi får også bli med på den store feiringa då krigen tok slutt.

Boka vekslar mellom å fortelje historia til Dagny i notid og Dagny på mormor si tid. Dette er eit snedig, men vellukka grep for at lesaren skal leve med i begge tidsperiodane. I notid har Dagny blitt storesøster til ein liten gut. Veslebror skrik mykje, og foreldra er veldig opptekne med han. I tillegg har mor til Dagny det travelt med å følgje opp ei sak ho brenn for; å stoppe etableringa av oppdrettsanlegg i nærmiljøet. Det er endå godt at mormor har tid til Dagny. Tid og sjokolade i skuffa.

Les meir

Asbjørn Rydland: Fredlaus

FredlausMed Fredlaus har Asbjørn Rydland skrive det femte og siste kapittelet i serien om Drakeguten. Hovudpersonen, Koll frå Kervad, har utvikla seg på mange vis gjennom dei fem bøkene. Han er no sterkare og meir vaksen, men med større kraft kjem òg større dilemma – og av og til kjem han opp i situasjonar der det vert gale, same kva han vel å gjera.

Smeddottera Faria speler òg ei viktig rolle i denne forteljinga, og nokre kapittel er skrivne frå hennar synsvinkel.

Rydland skriv godt, handlinga er spanande, fiksjonsuniverset han skildrar er stort, komplekst og levande, og heile serien høgst tilrådd.

Les meir