Kategoriarkiv: bøker med undervisingsopplegg

Ruth Lillegraven: Skogen den grøne

Opplegg til boka:
Bok på 1-2-3: Skogen den grøne – tverrfagleg undervisingsopplegg

Tid for ti: Undervisingsopplegg og aktivitetar til utdrag frå boka

Ei samling med 44 dikt for born, med skogen som tema. Nokre av dikta er lyse og lette og lokkar deg med på ein skogstur i solskin. Andre er mørkare og handlar om kva som skjer med alt i naturen når hausten kjem, eller når livet tek slutt. For det meste inviterer dikta til å tenkje og filosofere over alt som lever og hender i skogen: Dyreliv, plantar, fantasifigurar, alt som er og som kanskje ikkje er slik det gir seg ut for.
Les meir

Anders Totland: Den norske slavehandelen

Illustrert av Kristian Krohg-Sørensen

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 4–11)

Den dansk-norske medverknaden er ofte underkommunisert når norske born skal læra om slavehandelen. I den nye faktaboka si gjev Anders Totland ei levande skildring av kvardagen til nordmennene som dreiv med slavehandel. Her får me møta alt frå sjømannen Ole Nicolaysen, som arbeidde og døydde under harde kår på slaveskipet Fredensborg, til norske guvernørar som dreiv slavefort på den afrikanske vestkysten. Totland skriv lett og levande, og innimellom får me faktaboksar som gjev ekstra informasjon om dei ulike emna.

Boka avsluttar med å syna at slavehandel, jamvel om det no er i andre former, framleis er noko som føregår. I siste kapittelet får me nemleg fylgja Irena, som vart halden som slave og tvungen til prostitusjon i Oslo i to år før ho greidde å rømma attende til Litauen.
Les meir

Atle Hansen: Klure

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 52–61)

«Eg skal ikkje snakka i det heile. Hobbyen min er å teia stille så ofte som eg kan», seier Jens. Han har lite sjølvtillit og vil helst vere usynleg. Heldigvis har han to gode vener, Rita og Helge, som bakkar han opp og vil vere saman med han.

Jens tenker på alt han ikkje kan, han er ikkje flink til å springe og hoppe, ikkje kan han stupe og ikkje er han flink til å bygge modellfly eller få ting til på sløyden. Han er rett og slett ei klure, som pappa kallar det. Han er dessutan liten av vekst, og han blir oversett av Randi som er læraren hans.

Les meir

Ida Eva Neverdahl: Jojo

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 7–12 og 33–35)

Den fargerike, humoristiske og absurde teikneserien Jojo går fast i Norsk Barneblad. Her møter du robot-einhyrningar, ånder i brusboksar, ninjamødrer, søte dyr, fiskeprinsesser og anna som Jojo støyter på i den magiske kvardagen sin. No er endeleg seriane om Jojo samla i bokform, med ei heilt nyskriven rammeforteljing som opnar og avsluttar boka.

Streken til Neverdahl er leiken og levande, og forteljingane er slik at du aldri veit heilt kvar dei kjem til å enda opp. Når boka i tillegg har fått eit lekkert omslag (plusspoeng til Samlaget for smakfull bruk av glitterbokstavar), er det ikkje rart at niåringen min var særs snøgg med å plukka opp og lesa boka med det same me fekk henne i hus.

Les meir

Malte Persson og Rui Tenreiro: Reisa til verdas farlegaste land

Opplegg til boka:
Bok på 1-2-3: Reisa til verdas farlegaste land – undervisingsopplegg for 4.–7. trinn.

Simen Hagerup si gjendikting av Malte Perssons Reisa til verdas farlegaste land tek oss med til ei verd med både sjøuhyre, troll, spøkelse og andre skumle vesen. For å kome deg fram til slottet må du gjennom skogen, med alle slags prøvingar.

Les meir

Inger Johanne Sæterbakk: 1000 dagar

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 50–56)

1000 dagar, det er så lenge Johanna har rekna ut at ho skal gå på ungdomsskolen. Ho har vore bestevenn med Georg alle åra på barneskolen, men nå synest ho det har blitt skrekkeleg vanskeleg og utfordrande å fortsetje vennskapen. Johanna treng ein pause!

Johanna innbiller seg at alle snakkar om Georg og ho, og ho er livredd nokon skal spørje om dei er kjærastar. Det er dei jo slett ikkje. Johanna kjenner ikkje att seg sjølv, ho liker ikkje endringane som skjer med kroppen, og ho liker ikkje at andre snakkar om puppar og mensen. Og ho veit ikkje korleis ho skal oppføre seg mot ein venn ein har pause frå. Ho tel ned dagane.

Les meir

Arnfinn Kolerud: Snillionen

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 55–63)

Frank og Mor vinn 24 millionar kroner i lotto. Mor seier at Frank ikkje får bruka sin del før han vert atten, og sjølv har ho tenkt å halda fram med å leva som før, bortsett frå at ho tek ei breiare stripe med majones på skiva enn det ho tidlegare har brukt å gjera. Det heile er særs frustrerande for Frank,  og det vert ikkje noko betre då Mor ein dag går ut i avisa og seier at ho vil gje bort ein million til ein person i bygda som gjer noko ekstra snilt. Tanken til Mor er at det skal inspirera folk til å gjera gode gjerningar, men ting går ikkje heilt etter planen. For pengar kan få folk til å gjera litt av kvart …

Les meir

Bente Bratlund: Svikta!

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 5–14)

I Svikta! møter vi Iris som bur i lag med mamma. Iris er flink til å synge og danse, og ho skal bli forfattar. Ho har skrivebøker fulle av historier ho har dikta. Det er som ho blir ei anna når ho syng, dansar eller diktar og kan flykte frå vonde tankar og problem.

Foreldra til Iris har skilt lag, og Iris er skuffa og sint på pappa som brukar all tida si på den nye kjærasten, Lise. I tillegg har Iris og mamma flytta til ein ny stad, og Iris er framleis «den nye» på skulen. Når pappa fortel at han ikkje kan kome på skuleframsyninga der Iris er solist, blir alt verre. Ho og klassen har øvd i vekevis, og no vil ikkje pappa sjå henne danse og synge slik han hadde lova. Iris er så sint at ho diktar opp ei historie om pappa som hemn. Men tenk om vennene i klassen finn ut at ho har loge? Og kva vil pappa seie om han oppdagar kva Iris har gjort?

Svikta! er ei hjarteleg forteljing om sakn, kjærleik og venskap. Lesaren kjem tett på konflikten som pregar historia frå start til slutt, med språk og skildringar som gir verdifull kjennskap til hovudpersonen.

Erna Osland og Sigbjørn Lilleeng: Bestem deg, Tony T, bestem deg!

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 26–37)

Tony T og kusina Silja er begge på ferie hos farfar. Silja er modig og liker veldig godt å dykke, og ho meiner bestemt at Tony T er veldig treig og aldri kan bestemme seg. Farfar er litt uroleg for alt Silja finn på, for i fjor måtte ho hentast med helikopter. Silja stikk seg ofte bort, og Tony leitar.

Tony finn ho på loftet der ho nærast overfell han. Ho seier ho skal vise han ei hemmelegheit, men ombestemmer seg. Etterpå kjem ho durande ned på kjøkkenet med eit kart som farfar fortel har vore oldefarens markeringar av kvar det finst vrak. Silja liker å dykke på vrak, det var det ho hadde gjort sommaren før. På loftet finst det visst mange rare saker.

Les meir

Atle Hansen: Apetryne

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 5–13)

Apetryne er nok ein god, aktuell og lettlesen roman av Atle Hansen. Vi kan ane av tittelen at dette handlar om mobbing. Arne får av og til vere med dei andre, men ofte blir han ikkje invitert. Han er ikkje trygg på om den han var i lag med i går, vil vere saman med han i dag, og trekker seg derfor ofte unna med ei bok. Han tenker at alt kjem til å bli verre om han tar igjen.

Nå har Simon og Ivar invitert han med på telttur. Dei har det kjekt lenge, men så kjem det fleire til teltet. Arne er god til å herme etter apekattar, og gjer det for å få dei andre til å le. Men Ivar har tatt opptak med mobilen og deler filmen med andre, sjølv om han har lova å ikkje gjere det. Dagen etter er det fleire som roper «apetryne» etter Arne. Han klarer ikkje å la vere å bry seg og tenke på kva dei seier om han.

Les meir