Kategoriarkiv: bøker med undervisingsopplegg

Her finn de bøker det er laga undervisingsopplegg til.

Biletbøker med opplegg.
Opplegg for aldersgruppa 6 til 9 år.
Opplegg for aldersgruppa 9 til 12 år.
Ungdomsbøker med opplegg.
Opplegg for vidaregåande skule.

Laura Djupvik: Den andre søstera

Opplegg til boka:
Nynorsksenteret.no:
Undervisingsopplegg til serien Grøss og gru.

Saman med mamma og storesøster Ida flyttar Selma, snart 15 år, til det gamle, litt falleferdige  huset mamma har arva. Dei andre husa er nyare og med velstelte hagar. Deira hus ligg i ei skråning ned mot ein dal. På Selma sitt rom står vindauget ope, og ho høyrer lydar frå skapet. Selma opplever at skapet er fullt av kjolar, men mamma ser dei ikkje. Selma tenker at ho ikkje må fortelje om det ho ser og opplever. Mamma har vakse opp i dette huset, men ho har aldri fortalt om det som hende der.

Les meir →

Anders Totland: Den norske slavehandelen

Illustrert av Kristian Krohg-Sørensen

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 4–11)

Den dansk-norske medverknaden er ofte underkommunisert når norske born skal læra om slavehandelen. I den nye faktaboka si gjev Anders Totland ei levande skildring av kvardagen til nordmennene som dreiv med slavehandel. Her får me møta alt frå sjømannen Ole Nicolaysen, som arbeidde og døydde under harde kår på slaveskipet Fredensborg, til norske guvernørar som dreiv slavefort på den afrikanske vestkysten. Totland skriv lett og levande, og innimellom får me faktaboksar som gjev ekstra informasjon om dei ulike emna.

Boka avsluttar med å syna at slavehandel, jamvel om det no er i andre former, framleis er noko som føregår. I siste kapittelet får me nemleg fylgja Irena, som vart halden som slave og tvungen til prostitusjon i Oslo i to år før ho greidde å rømma attende til Litauen.
Les meir →

Brynjulf Jung Tjønn: Smadra

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 7–17)

Oda og Milad er bestevenar. Men Oda har ei hemmelegheit som ho ikkje kan fortelje til han. Ho kan ikkje fortelje det til pappa heller, om mora som slår. Ho seier til alle som spør kvifor ho har blåmerke, at ho har velta på sykkelen, og pappa set sykkelen i garasjen. Pappa arbeider som pilot, og er ikkje alltid heime. Oda er redd, for ho veit aldri i kva situasjon neste slag kan komme.

Det er ei veksling mellom hendingar i nåtid og hendingar Oda hugsar frå tidlegare. Då tenker ho på fine stunder ho og mora har hatt saman og vore nære kvarandre. Dei er så annleis enn dei vonde opplevingane ho har med mora når ho slår.

Les meir →

Bobler frå djupet

Opplegg til heftet:
På teikneseriesidene til Nynorsksenteret finn du undervisningsopplegg til heftet.

Bobler frå djupet er ein ny antologi med teikneseriar på nynorsk. Teikneseriane er særleg retta mot elevar i ungdomsskulen og vidaregåande skule.

Antologien inneheld desse seriane:

  • «Cordelia» av Johanne Eikå Bergill
  • «Bjartmann» av Øystein Runde
  • «Kongen i havet» av Katarina Aasgaard Strømsvåg
  • «Jojo» av Ida Neverdahl
  • «Dunce» av Jens K. Styve
  • «Freden» av Jey Levang

Les meir →

Lars Mæhle: Død eller levande

Opplegg til boka:
Nynorsksenteret.no:
Undervisingsopplegg til serien Grøss og gru.

Kombinasjonen av spennande og lettlesen roman for ungdommar er ikkje dagleg kost, men Lars Mæhle fortel ei skummel og spøkelsesaktig historie i Død eller levande. Her møter vi tvillingparet Simon og Katrin og veninna deira, Irma. Både Simon og Katrin har Evna, dei kan sjå og høyre det ingen andre ser og høyrer, og dei kjenner på seg når noko er gale. Ein dag møter dei Nihil, som lovar dei store pengar om dei kan finne ut kva som hende med dottera hans Angela, som forsvann for 30 år sidan. Då må Simon leite i Limbo, ein annan dimensjon der dei halvdaude held til. Sprekkane til Limbo finst der tyskarbrakka i Bekkedalen er.

Les meir →

Tor Arve Røssland: Den tolvte spelaren

Opplegg til boka:
Nynorsksenteret.no:
Undervisingsopplegg til serien Grøss og gru.
Tid for ti: Undervisingsopplegg og aktivitetar til eit utdrag frå boka (s. 14–26)

Denne lettlesne romanen tar opp aktuelle problemstillingar som rasisme, vald og trugsmål, og kor vanskeleg det er å fortelje om noko ein veit ein bør fortelje om, samstundes som ein har lova å ikkje seie noko. Historia blir etter kvart svært spennande og dramatisk, det går på livet laus. Og Kevin blir merkt av hendingane i Våg for resten av livet.

I prologen hugsar Kevin Borgen tretti år tilbake på den tida han var ungdom og budde i Våg. Han les i avisa at Kåre Hansen er død som følgje av eit slagsmål. Kåre og Kevin var gode kompisar den gongen, då alt det dramatiske hende:

Les meir →

Erna Osland og Sigbjørn Lilleeng: Bestem deg, Tony T, bestem deg!

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 26–37)

Tony T og kusina Silja er begge på ferie hos farfar. Silja er modig og liker veldig godt å dykke, og ho meiner bestemt at Tony T er veldig treig og aldri kan bestemme seg. Farfar er litt uroleg for alt Silja finn på, for i fjor måtte ho hentast med helikopter. Silja stikk seg ofte bort, og Tony leitar.

Tony finn ho på loftet der ho nærast overfell han. Ho seier ho skal vise han ei hemmelegheit, men ombestemmer seg. Etterpå kjem ho durande ned på kjøkkenet med eit kart som farfar fortel har vore oldefarens markeringar av kvar det finst vrak. Silja liker å dykke på vrak, det var det ho hadde gjort sommaren før. På loftet finst det visst mange rare saker.

Les meir →

Ingunn Røyset: Brevet frå krigen

Opplegg til boka:
Bok på 1-2-3: Brevet frå krigen – tofagleg opplegg for 5.–7. trinn i faga norsk og samfunnsfag.
Bok på 1-2-3: Brevet frå krigen – tofagleg opplegg for 8.–10. trinn i faga norsk og samfunnsfag.

Eg visste ikkje kva krig var. Ikkje før bombeflya kom over huset vårt. Ikkje før soldatar tok skulen vår, og folk vart sette i fengsel. Eg kunne ikkje lenger stole på nokon, ikkje på naboen, ikkje på onkelen min, og ikkje på veninna mi. Den dagen tyskarane kom, forstod eg kva krig var. Då forstod eg at alle kan døy. Eg også.

Brevet frå krigen er ei bok om korleis det er å vekse opp under andre verdskrig, og om livet i Noreg og viktige hendingar i krigsåra. Boka er røtt i opplevingane til Jorun E. Waage som var 12 år då tyske soldatar tok over Noreg den 9. april 1940. Forteljingane er baserte på samtalar med Jorun, hennar private brev og bilete, samt ei innhaldsrik samling av historiske kjelder og biletmateriale. Les meir →

Øystein Runde: Stamceller. Kroppens superheltar

Opplegg til boka:
Tid for ti: Undervisingsopplegg og aktivitetar til eit utdrag frå boka (s. 18–28)

Kroppen din. Eit enormt maskineri med billionar av celler i harmonisk samarbeid. Men også ei slagmark! Cellene blir stadig utsette for skadar, slitasje, bakteriar og virusangrep. Når celler døyr, er kroppen avhengig av hjelp frå ein spesiell type celler. Denne boka er om dei. Stamceller.
Les meir →

Lars Mæhle: Jag är Supermann

Opplegg til boka:
Nynorsksenteret.no:
Undervisingsopplegg til boka

Tid for ti: Undervisingsopplegg og aktivitetar til eit utdrag frå boka (s. 37–47)

«Jag är Supermann» står det på t-skjorta til Bjørn, og det har blitt tittelen på novellesamlinga til Lars Mæhle. Men Bjørn er langt frå Supermann, og slik er det også med dei andre ungdommane vi møter. Novellesamlinga inneheld fem noveller av ulik lengde, og sjølv om dei er sjølvstendige forteljingar, møter vi fleire av personane igjen i fleire noveller. Alle hendingane går føre seg på Sunndalsøra ein måndag om sommaren.

Les meir →